كلية هندسة فيها تنسيق داخلي، يعني بعد الفترة الإعداداية فيه تسجيل رغبات تاني وبالمجموع بتخش الكلية الي إنت عايزها.
- قسم حاسبات: بياخد أعلى 80 واحد مسجلينه رغبة أولى ع الدفعة الي هي في حدود 3000 مهندس... كلية حاسبات: بتدرس الأربع سنين و مفيش لا تنسيق جوا ولا حاجة.
- قسم حاسبات: الدراسة بتاعتها هارد وير اكتر من الكلية + السوفت وير طبعا... كلية حاسبات: الدراسة بتاعتها سوفت وير.
- قسم حاسبات: مجال الشغل بيبقا design and programming وبيكون في أحسن شركات في العالم ايوة في العالم (خريج هندسة حاسبات في اسكندرية بيتطلب برا مصر وهو بيدرس).
- كلية حاسبات: مجال الشغل programming أكتر وفي شركات كتيرة بنوك مثلا أو اي شركات بتحتاج نظام معلوماتي يعني ممكن أي خريج من حاسبات يعملو.
الخلاصة: قسم حاسبات برا مصر أحسن من جوا مصر عشان الديزاين جوا مصر قليل، لكن بيتطلبوا للبروجرامينج طبعا بس شركات قليلة الي بتطلبه و في نفس الوقت كدا كدا هم عدد الخريجين منهم قليل فبالتالي كلهم بيشتغلوا وكلية حاسبات مجال شغلها أوسع جوا مصر ولكن عدد الخريجين منها أكبر من هندسة.
في النهاية الشغل رزق و إتعب على نفسك و اجتهد هتشتغل احسن من اي حد خريج كلية تانية
تعليقات
إرسال تعليق