بعد إعلان نتيجة المرحلة الأولي للتنسيق بعض الكليات هتفتح باقي تقديم الملفات المطلوبة للتقديم في الكليات.
الأوراق المطوبة للتقديم في الجامعات 2021
- صورة بطاقة الترشيح.
- اصل شهادة الثانوية العامة + صورة منها.
- اصل شهادة الميلاد + صورة منها.
- صورة البطاقة الشخصية.
- عدد ٦ صور حديثة مقاس ٤ في ٦.
- استمارة ٢ جند [للذكور فقط].
- المصاريف [تختلف من كلية للتانية].
نصائح هامة أثناء التقديم للجامعة 2021
1- صور بطاقة الترشيح بعد ما تطبعها حوالي ٥ صور، لانك هتدخل بيها من بوابة الجامعة وهتبقي ضمن ورق التقديم وهتحتاجها.
2- الصور مينفعش تبقي غير مقاس ٤ في ٦ لو روحت بصور صغير كده هترجع بيها ومش هياخدوا ورقك.
3- إستمارة ٢ جند و ٦ جند بتيجي من منطقة التجنيد اللي إنت تابع ليها، وبعض المدن والمراكز بتجيبها من مديرية الأمن، أفضل حاجة تسأل واحد من بلدك أكبر منك وكان في الثانوية وقوله كنت جايبها منين.
4- بعض الكليات بتطلب دوسيه بلاستيك مع ورق التقديم، عشان تحط فيه ورقك.
5- شهادة الميلاد لو عندك واحدة قديمة، إتأكد إن فيها رقم ثلاثي تحت كده، لو مش فيها، استخرج واحدة تانية غيرها جديدة وهيكون فيها الرقم الثلاثي ده.
6- لما تروح تجيب إستمارة ٢ جند واستمارة ٦ جند، هتجيبها بالبطاقة فقط، وممكن حد يجبهالك عادي.
7- صورة البطاقة الشخصية مهمة في بعض الكليات فالكل يعملها إحتياطي.
تعليقات
إرسال تعليق